हमारा गीत संगीत की रस्याण हमारा वाध्य यंत्र
सोशल विकास की वाध्ययंत्रों की पंवाण

दीपक कैन्तुरा

उत्तराखण्ड कु गीत संगीत अर साज की पछ्याण अर रस्याण दुनिया मा अपणी छाप छोडदी उत्तराखण्ड का वाध्य यन्त्रों की धुन ढोल दमों अर मशकबीन की धुन जुकडी तें झजरोंदी करण वाळी सुरीली भोंण हर कैकी कन्दुडियों मा गुंजदी। उत्तराखण्ड का कै यना साज च युकु अपणु महत्व पुर्ण स्थान च उत्तराखण्ड का तें जू होर सुरीला बणोंदन जब घणा बणों मा गोरु दगडी जब ग्वीर छोरा बासुरी बजोंदन त दूर बणों की घसेरी बांसुरी की सुरीली भोंण मा ख्वे जांदिन बांसुरी पाड़ कु प्रमुख साज च । पाड़ की अपणी अलग पछ्याण रखण वाला ढोल दमाउ की अपणी अलग विशेषता च ढोल दमों – ढोल तांबा अर पितल कू बणियों होंदू ढोल सागर मा पुरी ब्रमाण्ड की रचना च । ढोल तें मुख्य मंत्री हरीश रावत जी न ढोल तें उत्तराखण्ड कू वाध्य यंत्र घोषित करली । ढोल उत्तराखण्ड़ का शुभ अवसरों पर बजाये जांदु ब्यो बराती खोला मेलों मा जब ढोल अर दमों बजदु तब खोलिका गणेश अर मोरी का नारैण देणा ह्वै जांदा ढोल दमों की ताल हर कैकी जुकडी मा थथराट करदी अर खोटा अपने आप थिरकण बैठी जांदा अर देवी द्यपता प्रकट ह्वे जांदन । जद ढोल अर दमों का संग मशकबीन की धुन बजदी त मन भारी खुदेंदु । उत्तराखण्ड खासकर जब ब्योला ब्योली न्हेंदा ( मंगल स्नान ) वै समै मशकबीन की धुन सी मन नखरु खूदेंदू , उत्तराखण्ड का कै प्रसिद्ध यना साज च जौंकी जानकारी बहुत कम लोंगों तैं च। नागफनी , ये वाध्य यंत्र कु आकार नाग की चारअ होंदू नागफनी कुमांऊ कु । प्रसिद्ध वाध्य यंत्र च । कुमाऊं मा शुभ अवसरों पर बजायें जांदु । अधोमुखी शंक यु खाडू का सिंग कु बण्यों होंदू अर येका अगवाडी कु हिस्सा पितल कू बण्यों होंदु । यु गढवाल कु प्रसिद्ध वाध्य यंत्र च यु शंख च यु अकसर शुभ कार्यों मा बजाये जांदु । पर यु शंख बहुत कम लोंगों का घर मा च , पर आज हमारी नई छवाली अपनी संस्कृति विरास्त जलडों तैं बिसरणी च आज हम तें ढोल दमों की जानकारी नी त हौर वाध्य यंत्रों की बात कऱण त यनु च जनु की ढुंगा पर अपणु बरमण्ड लगोंण , हम सबु की जिम्मेदारी च की हम अपणी लंस्कृति विरास्त तें सजैक रखला , सोशल विकास अपणी बोली भाषा अपणी पाडी खान पान का प्रचार प्रसार करणक तें अपणी बोली भाषा मा अपणी बात आप जना पाडप्रेमियों का बीच मा रखदू पहाड़ का वाध्य यंत्रों की लगातार या जात्रा अगनै चनि रैली अगली  किस्त हम कै नया वाध्य यंत्र की आप तें जानकारी द्योला।