• देश – विदेश सी उद्धयोग व समाज सेवा तैं कै सम्मानों सी च सम्मानित
• शिक्षा, सौर ऊर्जा  बागवानी समेत कै क्षेत्रों मा करणा काम
• डॉ.पंवार तैं होटल बर्लिन-जर्मनी मा ये पुरुस्कार सी सम्मानित किये गी।
• पॉलीगॉन कैमिकल प्राइवेट लिमिटेड भारत की अकेली कम्पनी च जैन यु पुरुस्कार अपणा नौं करी।
• पदमश्री प्रीतम भरतवाण समेत साहित्यिक कला व पत्रकारिता व राजनीतिक क्षेत्र का लोगों न दिनी डा. पंवार तैं   बधै

   डॉ. के एस पंवार की  जौंन केवल उत्तराखण्ड का बल्कि भारत कु नौं भी सात समुद्र पार भी रोशन करी। एक सफल उद्धमी रैंदा ऊंन , ग्रीन ऊर्जा का क्षेत्र तैं बढावा देणा तैं जै तरह सी काम करी। वै काम तैं अंतराष्ट्रीय स्तर पर स्वीकार किये गी। डॉ के एस पंवार का निर्देशन मा चलण वाली पॉलीगॉन  कैमिकल प्राइवेट लिमिटेड भारत की पैलि यनि कंपनी च । जैंतें ग्रीन एरा का  खिताब सी नवाजाये गी।कंपनी तैं यु पुरुस्कार ग्रीन ऊर्जा का क्षेत्र मा बढावा देणा का खातिर मिली। गौरतलब च कि अंतराष्ट्रीय संस्था द ग्रीन एरा फोरम ऊर्जा का क्षेत्र मा काम करण वाली कंपनियों मा भारत की पॉलीगॉन कैमिकल प्राइवेट  लिमिटेड तैं ये खिताब का योग्य पायेगी। पॉलीगॉन कैमिकल तें मिल्यां ये अंतराष्ट्रीय सम्मान पर पर्यावरण क्षेत्र अर सामाजिक क्षेत्र मा काम करणे की संस्थाओंन खुशी जतै।

आप तैं बथै देंदन कि डॉ के एस पंवार उद्योग का क्षेत्र मा हमेशा नया- नया प्रयोग करदा रैंदन। जैसी पर्यावरण तैं क्वी नुकसान नी पोंछु अर अर उद्योग पर्यावरण का मित्र भी साबित ह्वे सकु। डा. के एस पंवारन उत्तराखण्ड का मुख्यमंत्री त्रिवेन्द्र सिंह रावत का औद्योगिक सलाहकार का  रुप मा अपणी योग्यता अर कुशलता सी नई- नई योजनाओं तैं राज्य मा ल्योंण मा अपणु योगदान दिनी । दगडा ही ऊंन यी बात की भी पैरवी करी की छोटा- छोटा लघु उद्योगों का जरिया राज्य का आर्थिक हालत सुधरी जोला। अर अर लोगों तैं रोजगार मिललू ।

गाया बगाया ऊ कुछ लोगों का निशाणा पर जरुर रेंदन । लेकिन यैका परवाह करिया बिना ऊ हमेशा उत्तराखण्ड तैं आदर्श राज्य बणोण क तें तत्पर रेंदन। नया- नया कामों तैं करणे की ऊंकी लगन बणि की रेंदी।ऊंका प्रयास हर स्तर पर फलीभूत होंदन। रुद्रप्रयाग का गैड़ गौं मा स्यो का बगीचा लगौंण हो या बेकार समझ्ये जाण वालू लु पिरुल तैं ऊर्जा मा इस्तमाल करणे की निति की पहल करण हौ। डाक्टर पंवार कु यु योगदान हर जगा नजर औंदू । डॉ पंवार  पर्यावरण अर राज्य का विकास तैं लेकी हमेशा सजग रेंदन। ऊंकी कोशिश च कि राज्य कु तेजी सी विकास हो। अर दगडा ही पर्यावरण का प्रति लोग सजग हों।हमारी तरफ बटिन सोशल पॉलीगॉन कम्पनी का दगडा डॉ  के एस पंवार तैं ग्रीन एरा खिताब की भौत भौत बधाई।