शीर्षक- प्लास्टिक सी नुकसान
दीपक कैन्तुरा सोशल विकास
प्लास्टिक सी पुरी दुनिया तें च नुकसान
फिर भी नी समझणु इंसान
पैलि प्लास्टिक कु उपयोग करदू
बाद मा बिमारी से परेशान
प्लास्टिक का नुक़सान सी भी नी बचै सकदू भगवान।
प्लास्टिक का थैलों कू उपयोग बंद करा दोनों
दुकानि बटि सामलक कपड़ो कू थैलू धरा दोनों
कति बिमारी पनपि गैन प्लास्टिक सी जरा गौर करा दों
सुणियाला दगड़ियों कपड़ा का थैला धरा दों।
हर घर मा प्लास्टिक हर मनखि मा प्लास्टिक ह्वेगी
रूपयों दिक हम बिमारी मोल ल्येगी
हर क्वी जाणदू ये प्लास्टिक मा कथका च रोग
फिर भी जाणी बुझिक अणजाण बणिया च लोग
खाण मा प्लास्टिक पाणी मा प्लास्टिक
अब हर धाणी मा प्लास्टिक
ये प्लास्टिक सी संकति गंदगी ह्वेगी
में तें यनु लगदू प्लास्टिक जिंदगी ह्वेगी।
प्लास्टिक सी धरती माता कु श्रृंगार बंदरंग ह्वेगी
जिंदगी मोत सी जंग ह्वेगी
धरती माता भी तंग ह्वेगी
मुख्यमंत्री रावत जी की बात पर ध्यान धरा दौं
प्लास्टिक कु उपयोग बंद करा दौं