बन्याथ मा दिख्येणी पाड़ की संस्कृति का रंग

दीपक कैन्तुरा सोशल विकास

देहरादून- बद्रीकेदार समिति का वार्षिकोत्सव  बन्याथ मा बद्री-केदार समेत पूरा पाड़े की संस्कृति एक मंच पर दिखाये दिनी। डिफेंस काँलोनी  स्थित सामुदायिक केन्द्र मा होंया सांस्कृतिक कार्यक्रम अर मिलन समारोह मा लोक कलाकारों न रंगा- रंग सांस्कृतिक कार्यक्रम कैरिन।

मुख्य अतिथि कुंवर सिंह नेगी ,पाँलीगाँन कम्पनी का एजुकेटिव डायरेक्टर व कैपीसीट हेल्थ केयर का एजुकेटिव डायरेक्टर सुरेन्द्र पंवार , श्रीदेव सुमन विश्वविद्यालय के कुलपति डा. उदय सिंह रावत, पूर्व एडमिरल ओ.पी राणा राजवीर सिंह बिष्ट ने समिति की वार्षिक पत्रिका गढनंदनी कु विमोचन कैरी। कार्यक्रम मा पाड़ सी जुड़या लोक गायकों  अर रंग कर्मियों न पाड़ की संस्कृति तैं मंच पर जीवित कैरी। नुक्कड़ नाटक, जनगीतों का माध्यम सी। समस्याओं सी लोगों तैं बिगै।सांस्कृतिक कार्यक्रम की पंवाण संगम कला मंच का हेमंत बुटोला का नेतृत्व मा देणा होंया, खोलिका गणेश अर मौरी का नारैंण सी ह्वे। वेका अलौ लोकगीत ठंडू मठु चौमासा, डांडयूं मा धार पार कुरेडी लोंकी। बोल्यों माण मेरी पिंडर का छाला पाणीक न जा गीतों न खुब समा बांधी येका अलो  प्रसिद्ध युवा चर्चित गायक धूम सिंह रावत का गीतों की धूम का दगडी प्रसिद्ध गायिका पूनम सती न बधाण की नंदा भजन गै तें पुरा कार्यक्रम तैं भक्तिमय बणे दिनी।

ये का अलौ नीतिमाणा – घाटी संस्था का अध्यक्ष डा. मान सिंह राणा की टीम द्वारा खूबसूरत पौंणा नृत्य की भौत सुंदर प्रस्तुति दिए गी। कार्यक्रम मा मुख्य अतिथि नेगी न बोली की हमतें अपणी बोली भाषा संस्कृति का सरक्षण का खातिर यना कार्यक्रम जरुरी च। वखि बिशिष्ट अतिथि सुरेन्द्र पंवार न बोली की हम तैं अपणा घर मा अपणी बोली भाषा मा बात करी चेंदी।अर अपणा नोन्यालों तैं बोली भाषा संस्कार सिखाया चेंदन।ये मौका पर कुंवर सिंह नेगी सुरेन्द्र पंवार ओपी राणा , समिति का महासचिव मुकेश राणा, समिति का अध्यक्ष बृजमोहन भट्ट ,रमाकांत बेंजवाल, महिला अध्यक्ष चन्द्र कला रावत मीडिया प्रभारी अनिल नेगी समेत कै गणमान्य लौग मौजूद था।